ආසියානු කුසලාන කාන්තා ක්‍රිකට් තරගාවලියට ශ්‍රී ලංකා සංචිතය නම් කෙරේ

COLOMBO ( News 1st ) - ආසියානු කුසලාන කාන්තා ක්‍රිකට් තරගාවලිය සඳහා ක්‍රීඩිකාවන් 15 දෙනෙකුගෙන් සමන්විත ශ්‍රී ලංකා සංචිතය අද (17) ප්‍රකාශයට පත් කළේ ය.

තරගාවලිය පැවැත්වෙන්නේ ශ්‍රී ලංකාවේ සත්කාරකත්වයෙනි.

ඒ සඳහා නම් කළ ශ්‍රී ලංකා සංචිතයට ක්‍රීඩිකාවන් 15 දෙනෙකු ඇතුළත් වේ.

සුපුරුදු පරිදි කණ්ඩායම මෙහෙයවන්නේ චමරි අතපත්තු ය.

තරගාවලියේ ශ්‍රී ලංකා කණ්ඩායම සහභාගී වන පළමු තරගය ලබන සෙනසුරාදා (20) බංග්ලාදේශ කාන්තා කණ්ඩායමට එරෙහිව රංගිරි දඹුලු ජාත්‍යන්තර ක්‍රීඩාංගනයේ දී පැවැත්වීමට නියමිතය.