ප්‍රදේශ රැසකට ගිගුරුම් සහිත වැසි සමඟ ප්‍රභල අකුණු - කාලගුණ විද්‍යා දෙපාර්තමේන්තුව

COLOMBO (News1st) - නැගෙනහිර , ඌව සහ උතුරු මැද පළාත් වලට අද(02) සවස් කාලයේ හෝ රාත්‍රි කාලයේ ගිගුරුම් සහිත වැසි සමඟ ප්‍රභල අකුණු ඇති විය හැකි බව කාලගුණ විද්‍යා දෙපාර්තමේන්තුව පවසයි.

ප්‍රභල අකුණු පිලිබද අවවාදාත්මක නිවේදනයක් නිකුත් කරමින් එම දෙපාර්තමේන්තුව සඳහන් කළේ මුලතිව් සහ වව්නියාව දිස්ත්‍රික්කවල ඇතැම් ස්ථාන වලට ද ගිගුරුම් සහිත වැසි සමග ප්‍රභල අකුණු ඇති විය හැකි බවයි.

ගිඟුරුම් සහිත වැසි සමග තද සුළං ද ඇති විය හැකි එම දෙපාර්තමේන්තුව වැඩිදුරටත් සඳහන් කර ඇත.

අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම් දෙයි.