පළාත් 04කට මිලිමීටර් 150 ට වැඩි තද වැසි..

COLOMBO (News 1st) –

දිවයිනේ සෙසු ප්‍රදේශවලට සවස් කාලයේ හෝ රාත්‍රි කාලයේ වැසි හෝ ගිගුරුම් සහිත වැසි ඇති විය හැකියි.

ගිගුරුම් සහිත වැසි සමඟ තාවකාලිකව තද සුළං ද ඇති විය හැකියි.

තද සුළං හා අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම් දෙයි.

මේ අතර , නිල්වලා ගඟ තලගහගොඩ ප්‍රදේශයෙන් සුලු ගංවතුර මට්ටමට පැමිණෙමින් ඇතැයි වාරිමාර්ග දෙපාර්තමේන්තුව පවසයි.

එම දෙපාර්තමේන්තුව පැවසුවේ, නිල්වලා ගඟ පානදුගම ප්‍රදේශයෙන් ද ජල මට්ටම ඉහළ යමින් පවතින බවයි.

මේ අතර අද පෙරවරු 8.30 න් අවසන්වූ ගෙවුණු පැය 24 තුළ දිවයිනේ වැඩිම වර්ෂාපතනය මන්නාරම ප්‍රදේශයෙන් වාර්තා විය.

එම අගය මිලිමීටර් 212.5 කි.

මුලතිව්හි අලම්පිලි , මන්නාරම පාලම්පෙඩ්ඩි සහ කැස්බෑව ප්‍රදේශවලට ද ගතවූ පැය 24 තුළ මිලිමීටර් 100 ඉක්මවු වැසි ඇද හැලි ඇතැයි කාලගුණ විද්‍යා දෙපාර්තමේන්තුව සඳහන් කළේ ය.