බංග්ලාදේශ අවු.17න් පහළ කණ්ඩායමට එ‌රෙහි මෙරට සංචිතය

බංග්ලාදේශ අවුරුදු 17න් පහළ කණ්ඩායම සමග පැවැත්වීමට නියමිත එක්දින ක්‍රිකට් තරගාවලියට ශ්‍රී ලංකා අවුරුදු 17න් පහළ සංචිතය..

by Staff writer 23-11-2024 | 12:51 PM

COLOMBO (News 1st) –

බංග්ලාදේශ වයස අවුරුදු 17න් පහළ කණ්ඩායම සමග පැවැත්වීමට නියමිත එක්දින ක්‍රිකට් තරගාවලිය සඳහා වන සත්කාරක ශ්‍රී ලංකා වයස අවුරුදු 17න් පහළ සංචිතය අද (23) නිවේදනය කළේ ය.

ශ්‍රී ලංකා ක්‍රිකට් ආයතනය නිකුත් කළ නිවේදනයට අනුව එම සංචිතයට ක්‍රීඩකයන් 17 දෙනෙකු ඇතුළත් ය.

සංචිතයේ නායකත්වය කොළඹ ආනන්ද විද්‍යාලයේ කිත්ම විතානපතිරණට හිමිව ඇති , මරදාන ශාන්ත ජෝශප් විද්‍යාලයේ සෙනුජ වැකුනගොඩ උපනායකයා ලෙස කටයුතු කරයි.

කොළඹ රාජකීය විද්‍යාලයේ රෙහාන් පීරිස් , ගාල්ල මහින්ද විද්‍යාලයේ දුල්ෂිත් දර්ෂණ , මහනුවර ත්‍රිත්ව විද්‍යාලයේ සෙත්මික සෙනවිරත්න , කුරුණෑගල මලියදේව විද්‍යාලයේ රජිත් නවෝද්‍ය සහ වත්තල ලයිසියම් ජාත්‍යන්තර පාසලේ රසිත් නිම්සර වැනි ප්‍රභල ක්‍රීඩකයින් සංචිතයට ඇතුළත් ය.

පළමු එක්දින තරගය හෙට ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙයි.