ටින් මාළුවලටත් උපරිම සිල්ලර මිලක්

COLOMBO (News 1st) - ටින් කළ මාළු වර්ග සඳහා උපරිම සිල්ලර මිලක් නියම කරමින් පාරිභෝගික අධිකාරිය අතිවිශේෂ ගැසට් නිවේදනයක් නිකුත් කර තිබේ.

ඒ අනුව ටූනා ග්‍රෑම් 425 මාළු ටින් එකක උපරිම සිල්ලර මිල රුපියල් 380කි.

මැකරල් ශුද්ධ බර ග්‍රෑම් 155ක උපරිම සිල්ලර මිල රුපියල් 180ක් ලෙස නියම කර තිබේ.

ජැක් මැකරල් ශුද්ධ බර ග්‍රෑම් 425ක ටින් එකක උපරිම සිල්ලර මිල රුපියල් 560ක් වනු ඇති.

පාරිභෝගික අධිකාරිය පැවසුවේ, අදාළ මිල ගණන් අද (28) සිට බලාත්මක බවයි.