අපවත් වී වදාළ, අතිපූජ්‍ය ගලබොඩ ඥාණිස්සර නාහිමියන්ගේ දේහය මහජන ගෞරවය සඳහා තැම්පත් කෙරේ...

COLOMBO (News 1st) - කොළඹ නව කෝරලයේ ප්‍රධාන සංඝනායක, හුණුපිටිය ගංගාරාම විහාරාධිපති, අතිපූජ්‍ය ගලබොඩ ඥාණිස්සර නාහිමියන්ගේ දේහය මේ වනවිට මහජන ගෞරවය සඳහා ගංගාරාම විහාරස්ථානයේ තැන්පත් කර තිබේ.

කලක් ගිලන්ව සිට, කොළඹ පෞද්ගලික රෝහලකදී අපවත් වන විට, උන්වහන්සේගේ වයස,අවුරුදු 80 ක්.

ආදාහන පූජෝත්සවය, රාජ්‍ය අනුග්‍රහය සහිතව හෙට (05) පස්වරුවේ සිදු කිරිමට නියමිතයි.

ඒ හේතුවෙන් හෙට (05) පස්වරු 2 සිට රාත්‍රි 8 දක්වා, ගංගාරාම විහාරස්ථානය අවට මාර්ගවල විශේෂ රථ වාහන සැලැස්මක් ද ක්‍රියාත්මක බව, පොලීසිය සඳහන් කළේ ය.