අනිවාර්ය නිවාඩු යවා සිටින ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් ඉවත් කිරීම⁣ට ජාතික පොලිස් කොමිසම තීරණය කරයි.

COLOMBO (News 1st) - අනිවාර්ය නිවාඩු යවා සිටින රාජ්‍ය බුද්ධි සේවයේ හිටපු අධ්‍යක්ෂ, ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා, වහාම ක්‍රියාත්මක වන පරිදි පොලිස් සේවයෙන් ඉවත් කර තිබේ.

ඒ, ජාතික පොලිස් කොමිෂන් සභාව විසිනි.

ජාතික පොලිස් කොමිසමේ සභාපති ලලිත් ඒකනායක මහතා සඳහන් කළේ,  එල්ල වී තිබූ සියලු චෝදනාවලට ඔහු වරදකරු වීම හේතුවෙන් එම තීරණය ගත් බවයි.

පාස්කු ඉරිදා ප්‍රහාරය එල්ල වන අවස්ථාවේ, නිලන්ත ජයවර්ධන මහතා, රාජ්‍ය බුද්ධි සේවයේ අධ්‍යක්ෂවරයා ලෙස කටයුතු කළේ ය.