මුල්ලේරියාවේ වෙළඳසැළකදී කාන්තාවකට ගිනි තැබීමේ සිද්ධියක් සම්බන්ධයෙන් සැකපිට අත්අඩංගුවට ගත් ඇයගේ සැමියා හෙට දින දක්වා රිමාන්ඩ්.

COLOMBO(News1st) - මුල්ලේරියාව ප්‍රදේශයේ වෙළඳසැලකදී කාන්තාවකට ගිනි තැබීමේ සිද්ධියක් සම්බන්ධයෙන්, අත්අඩංගුවට ගත් ඇයගේ සැමියා හෙට(24) දින දක්වා රක්ෂිත බන්ධනාගාරගත කර තිබේ.

ඒ කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමෙන් අනතුරුවයි.

මිනී මැරීමට තැත් කිරීම හා බරපතල තුවාල කිරීම ඔහුට එල්ල වී ඇති චෝදනා අතරට ඇතුළත් වේ.

සිද්ධියෙන් තුවාල ලැබූ කාන්තාව කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබන අතර පොලීසිය පැවසුවේ,  පවුල් ආරවුලක් හේතුවෙන් පසුගිය 18 වැනිදා සැකකරු විසින්, මුල්ලේරියාව ප්‍රදේශයේ වෙළඳසැලක සිටි ඔහුගේ බිරිඳට එලෙස ගිනි තබා ඇති බවයි.