බ්‍රිතාන්‍ය රජ පවුලේ වෙබ් අඩවියට සයිබර් ප්‍රහාරයක්..

COLOMBO (News 1st) : බ්‍රිතාන්‍ය රජ පවුලේ නිල වෙබ් අඩවියට ඊයේ(02) සයිබර් ප්‍රහාරයක් එල්ල වී ඇතැයි විදෙස් මාධ්‍ය සඳහන් කරයි.

රුසියානු හැකර්වරුන් පිරිසක් මෙම සයිබර් ප්‍රහාරය එල්ල කර ඇති අතර, ප්‍රහාරයේ වගකීම ඔවුන් භාරගෙන ඇතැයි විදෙස් මාධ්‍ය වැඩිදුරටත් සඳහන් කළේ ය. 
 
සයිබර් ප්‍රහාරය හේතුවෙන්, පැය එක හමාරක පමණ කාලයක් වෙබ් අඩවිය අක්‍රීයව පැවති බව වාර්තා වෙයි. 

පසුව ආරක්ෂක අංශ සහ පරිගණක විශේෂඥයින් එක්ව එය යථා තත්ත්වයට පත්කර ඇති නමුත් ප්‍රහාරය පිළිබඳව අදහස් දැක්වීම බකිංහැම් මාලිගය ප්‍රතික්ෂේප කර ඇතැයි ද වාර්තා වෙයි.