ගුවන්යානා, මෝටර් රථ උපාංග නිෂ්පාදන කර්මාන්ත ශාලාවක් මෙරට ඉදිරිකිරිමට අමෙරිකානු සමාගමක් මුල පුරයි.

COLOMBO ( News 1st ) - අමෙරිකාවේ ප්‍රමුඛතම ගුවන්යානා , අභ්‍යවකාශ යානා සහ මෝටර් රථ ආරක්ෂක උපාංග නිෂ්පාදන සමාගමක් මෙරට තුළ ඔවුන්ගේ තවත් කර්මාන්ත ශාලාවක් ඉදි කිරීමට අද(31) මුල පිරුවේය.

මීට පෙර චීනයේ ඉදිකර තිබූ එම කර්මාන්ත ශාලාව ශ්‍රී ලංකාවට රැගෙන ඒම විශේෂත්වයකි.

එම අවස්ථාවට සහභාගී වූ ශ්‍රී ලංකාවේ අමෙරිකානු තානාපති ජූලි චන්ග් මහත්මිය කියා සිටියේ, නව රජයට දූෂණ විරෝධී ක්‍රියාමාර්ග හා විනිවිදභාවය තහවුරු කරන ක්‍රියාමාර්ග තවදුරටත් ශක්තිමක් කළ හැකි නම් තවත් මෙවැනි ආයෝජන ගෙන්වා ගැනීමේ අවස්ථාවක් ඇති බවයි.

අමෙරිකාවේ ප්‍රමුඛතම ආරක්ෂක උපාංග නිෂ්පාදන සමාගමක් වන ඇම්සේෆ් බ්‍රිඩ්පෝර්ට් සමාගමට අයත් ෂීලීඩ් සමාගම මෙලෙස ශ්‍රී ලංකාවේ සිය නිෂ්පාදන කටයුතු ආරම්භ කිරීමට සූදානම් වේ.

චීනයෙන් ඉවත් කරගන්නා මෙම කර්මාන්ත ශාලාව මෙරට ඉදි වන්නේ , වතුපිටිවල පිහිටි අපනයන සැකසුම් කලාපය තුළයි.

මෝටර් රථ ආරක්ෂක පටි නිෂ්පාදනය නව කර්මාණ්ත ශාලාව තුළ සිදු වේ.