‍අද හවසටත් මහ වැසි... අනතුරු අවම කර ගැනීමට අවශ්‍ය පියවර ගන්න.. - කාලගුණ විද්‍යා දෙපාර්තමේන්තුව

COLOMBO (News 1st) - බස්නාහිර සහ සබරගමුව පළාත්වලට ම‍ෙන්ම ගාල්ල සහ මාතර දිස්ත්‍රික්කවලට අද (04) පස්වරුවේ වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

එම පළාත්වල ඇතැම් ස්ථානවලට උදෑසන කාලයේදී මීදුම් සහිත තත්ත්වයක් ද අපේක්ෂා කළ හැකියි. 

ගිගුරුම් සහිත වැසි සමග තාවකාලිකව තද සුළං ඇති විය හැකි අතර අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවට දැනුම් දෙනු ඇත.

මේ අතර කල්පිටිය සිට කොළඹ ගාල්ල සහ හම්බන්තොට හරහා පොතුවිල් දක්වා මුහුදු ප්‍රදේශවල රළ ඉහළ යා හැකි බව කාලගුණ විද්‍යා දෙපාර්තෙම්න්තුව පවසයි.