ලොව දුප්පත්ම රටවල් සඳහා අමෙරිකානු ජනාධිපතිගෙන් ඩොලර් බිලියන 4ක්

COLOMBO ( News 1st ) - ලොව දුප්පත්ම රටවල් සඳහා අමෙරිකානු ජනාධිපති ජෝ බයිඩන් විසින් ලෝක බැංකුවේ ජාත්‍යන්තර සංවර්ධන සංගමයේ අරමුදලට ඩොලර් බිලියන 4ක දායකත්වයක් ලබා දීමට පොරොන්දු වී තිබේ.

ජී 20 සමුළුවේ පළමු දින සැසිවාරයට එක්වෙමින් ජනාධිපතිවරයා මේ බව ප්‍රකාශ කර ඇතැයි සඳහන් විය.

මින් පෙර 2021 වසරේදී අමෙරිකාව විසින් ඩොලර් බිලියන 3.‍5ක් ප්‍රධානය කර තිබේ.

කෙසේ වෙතත් විදෙස් මාධ්‍ය වාර්තා කළේ, විදේශ ආධාර අඩු කිරීම පිළිබඳ පූර්ව ස්ථාවරයක සිටින ජනාධිපති ඩොනල්ඩ් ට්‍රම්ප් 2025 ජනවාරි මාසයේදී බලයට පත්වීමත් සමග, මෙම දායකත්වයන් තහවුරු කරනු ඇත්ද යන්න අවිනිශ්චිතව පවතින බවයි.