නිමල් ලන්සා සැප්තැම්බර් 12 දක්වා රිමාන්ඩ්...

COLOMBO (News 1st) - හිටපු රාජ්‍ය අමාත්‍ය නිමල් ලන්සා මහතා සැප්තැම්බර් 12 දක්වා රක්ෂිත බන්ධනාගාරගත කෙරිණ.  

ඒ , ඔහු අද පස්වරුවේ මීගමුව මහේස්ත්‍රාත් රඛිත අබේසිංහ මහතා හමුවට ඉදිරිපත් කිරීමෙන් අනතුරුවයි.

2006 වසරේ පළාත් පාලන ඡන්දය පැවති කාලසීමාවේදී නාගරික මන්ත්‍රීවරයෙකුගේ නිවසකට පහරදී අනර්ථයක් සිදු කිරීම සම්බන්ධයෙන් ඔහුට චෝදනා එල්ල වෙයි.

ඒ අනුව අයුතුලෙස ඇතුල්වීම, අයුතු ජනරාශිය සහ සොරකම සම්බන්ධයෙන් ඔහුට චෝදනා එල්ල වෙයි.

හිටපු රාජ්‍ය අමාත්‍ය නිමල් ලන්සා මහතා අද පෙරවරුවේ කොච්චිකඩේ පොලීසියට භාර වීමෙන් අනතුරුව ඔහු අත්අඩංගුවට ගනු ලැබුවේ ය.