චීනයට වැඩි ගෞරවයක් දිනා දෙමින් අවසන් වූ පැරාලිම්පික් ක්‍රීඩා උළෙල

COLOMBO ( News 1st  ) - 2024 පැරිස් ඔලිම්පික් ක්‍රීඩා උළෙලට සමගාමීව පැවති, පැරාලිම්පික් ක්‍රීඩා උළෙල අති උත්කර්ෂවත් අන්දමින් අවසන් විය.

ඒ , චීනයට වැඩි ගෞරව දිනා දෙමිනි.

චීනය රන් පදක්කම් 94ක්, රිදී පදක්කම් 76ක් සහ ලෝකඩ පදක්කම් 50ක් ඇතුළුව මුළු පදක්කම් 220ක් දිනා ගත්තේය.

ශ්‍රී ලංකාව නියෝජනය කරමින් මෙවර පැරාලිම්පික් ක්‍රීඩා උළෙලෙට ක්‍රීඩක ක්‍රීඩිකාවන් 8ක් සහභාගී විය.

හෙල්ල විසි කිරීමේ ක්‍රීඩක සමිත දුලාන් එහිදී රිදී පදක්කමක් දිනා ගත්තේ නව ලෝක වාර්තාවක් ද සමගිනි.