Sri Lankan ගුවන් සේවය සමග අද එක්වන Airbus A330-200 යානය

COLOMBO (News1st) - Airbus A330-200 පුළුල් බඳ (wide-body) සහිත ගුවන් යානය අද(04) SriLankan Airlines සමග එක්වීමට නියමිතයි.

එම ගුවන් යානය පැරිස් නුවර සිට මෙරටට පැමි⁣ණෙන අතර මෙරට ගුවන් යානා නිරීක්ෂකයින්ට විශේෂ අවස්ථාවක් ලබාදෙමින්, කොළඹ සහ මොරටුව අහසේ අඩු උසකින් (1500 ft) පියාසර කිරීමට නියමිතයි.

ඒ අනුව අද උදෑසන 8:00 සිට 9:00 දක්වා, මෙම ගුවන් යානය කොළඹ වෙරළ තීරය ඔස්සේ, වරාය නගරයේහි දකුණු කෙළවරේ සිට මොරටුව දක්වා දිස්වන පරිදි පියාසර කිරීමට නියමිතව තිබේ.

ඉන්පසු කටුනායක බණ්ඩාරනායක ජාත්‍යන්තර ගුවන්තොටුපළ (BIA) වෙත පැමිණෙන අතර ගොඩබැසීමට පෙර කටුනායක ගුවන්තොටුපළට ඉහළින් ගොඩබස්සවනු ලැබීමට නියමිතයි

මූලාශ්‍රය - Aviation Voice