අමෙරිකාවේ මිනසෝටා ප්‍රාන්තයේ පාසැලක වෙඩි තැබීමක් : දරුවන් දෙදෙනකු මරුට...

COLOMBO (News 1st) - අමෙරිකාවේ, මිනසෝටා ප්‍රාන්තයේ පාසලක සිදුවූ වෙඩි තැබීමකින් දරුවන් දෙදෙනෙකු මියගොස් තිබේ.

තවත් දරුවන් 14 දෙනෙකු ඇතුළු පුද්ගලයින් 17 දෙනෙකු තුවාල ලබා ඇති බව විදෙස් මාධ්‍ය වාර්තා කළේ ය.

මියගිය දරුවන් දෙදෙනා අවුරුදු 8 සහ 10 යන වයස්වල පසු වේ.

අමෙරිකානු ආරක්ෂක අංශ පවසන්නේ වෙඩික්කරු එහි ජනේලයකින් දරුවන්ට වෙඩි තබා ඇති බවය.

23 හැවිරිදි සැකකරු වෙඩි තබාගෙන මියගොස් ඇති බව ආරක්ෂක අංශ නිවේදනය කරන ලද අතර වෙඩි තැබීමට හේතුව මෙතෙක් අනාවරණය වී නොමැත.

වෙඩි තැබීම සඳහා භාවිත කළ රයිෆල් සහ පිස්තෝල ඇතුළු ගිනි අවි 03ක් පොලිස් භාරයට ගෙන ඇත.

අමෙරිකානු ජනාධිපති ඩොනල්ඩ් ට්‍රම්ප්, සිදුවීම සම්බන්ධයෙන් සිය කණගාටුව ප්‍රකාශ කළ බව, මිනසෝටා ප්‍රාන්තයේ ආණ්ඩුකාර ටීම් වෝල්ස් සදහන් කළේ ය.

මියගිය පුද්ගලයින් වෙනුවෙන් ශෝකය පළ කරමින්, අද (28) දිනයේදී ධවල මන්දිරයේ අමෙරිකානු ධජය අඬකුඹු කර තබන බවද, ට්‍රම්ප් ජනාධිපතිවරයා පවසයි.