පොතුවිල් අක්කරෙයිපත්තු ප්‍රදේශයේ බස් රථ අනතුරක් පුද්ගලයෙකු මරුට, 57කට තුවාල...

COLOMBO (News 1st) - පොතුවිල් අක්කරෙයිපත්තු ප්‍රදේශයේදී කෝමාරි රෝහල අසලදී බස් රථයක් අනතුරට ලක් වීමෙන් පුද්ගලයෙකු මියගොස් තිබේ.

පොලිසිය පැවසූවේ, පුද්ගලයින් 57 දෙනෙකු තුවාල ලබා ඇති බවයි.

ඔවුන් කෝමාරි , තිරුක්කෝවිල් හා පොතුවිල් රෝහල්වලට ඇතුළත් කර ඇත.

මිය ගොස් ඇත්තේ 74 හැවිදිරි වැලිමඩ ප්‍රදේශයේ පදිංචිකරුවෙකි.

වැලිමඩ සිට දීඝවාපීය දක්වා වන්දනාගමනක් පැමිණි පිරිසක් ආපසු යමින් සිටියදී, අද පස්වරුවේ මෙලෙස අනතුරට ලක්ව තිබේ.

ඔවුන් ගමන් ගත් බස් රථය, මාර්ගයේ තිබු බෝක්කුවක ගැටීමෙන් අනතුර සිදුව ඇතැයි, පොලිසිය සඳහන් කළේ ය.