.webp)
ඒ තරගාවලියේ 2වැනි තරගය කඩුලු 5කින් ජය ගනිමින් ය.
තරගයේ කාසියේ වාසිය දිනූ ශ්රී ලංකා කණ්ඩායම පළමුව පන්දු රැකීමට තීරණය කළේ ය.
ඒ අනුව පළමුව පන්දුවට පහර දීමට පිටියට පිවිසි සිම්බාබ්වේ කණ්ඩායමේ පළමු කඩුල්ල ලකුණු 55 දී බිද වැටුණි.
ඉන් අනතුරුව එක් වූ බ්රෙණ්ඩන් ටේලර් සහ බෙන් කරන් දෙවැනි කඩුල්ලට ලකුණු 61 සබදතාවක් ගොඩ නැගුවේය .
බෙන් කරන් ලකුණු 79කි.
සිකන්දර් රාසා නොදැවී ලකුණු 59ක් රැස් කළේ ය.
පන්දු යැවීමේදී දුෂ්මන්ත චමීර කඩුලු 3ක් දවා ගත් අතර අසිත ප්රනාන්දු කඩුලු 2කි.
පළමුව පන්දුවට පහර දුන් සිම්බාබ්වේ කණ්ඩායම නියමිත පන්දුවාර 50 තුළ කඩුලු 7ක් දැවී රැස් කළ ලකුණු සංඛ්යාව 277කි.
ශ්රී ලංකා පිළිතුරු ඉනිම ආරම්භ කළේ පැතුම් නිස්සංක සමගින් නුවනිඳු ප්රනාන්දු.
ඔවුන් දෙදෙනා අතර පළමු කඩුල්ලේ සබඳතාවය ලකුණු 48කට සීමා කරමින් නුවනිඳු ප්රනාන්දු ලකුණු 14කට දැවී ගියේ ය.
කුසල් මෙන්ඩිස්ට රැස් කර ගැනීමට හැකී වූයේ ලකුණු 5 ක් පමණි.
අනතුරුව පැතුම් නිස්සංකට එක් වූ සදීර සමරවික්රම තුන්වැනි කඩුල්ලට ලකුණු 78 ක් එක් කළේ ය.
සදීර සමරවික්රම ලකුණු 31කි.
අගනා ඉනිමක් ක්රීඩා කළ පැතුම් නිස්සංක එක්දින ක්රිකට් පිටියේ 7වැනි ශතකය රැස් කළේ ය.
ලකුණු 122ක් ලබා සිටියදී ඔහු දැවී ගියේ රිචර්ඩ් එන්ගරාවාගේ පන්දුවක් හමුවේ ය.
නායකත්වයේ ඉනිමක් ක්රීඩා කළ චරිත් අසලංක ලකුණු 71ක් රැස් කළේ ය.
ජනිත් ලියනගේ සහ කමිඳු මෙන්ඩිස් නොදැවී කඩුල්ලේ රැදී සිටිමින් ශ්රී ලංකා කණ්ඩායම ජයග්රහණය කරා රැගෙන ගියේ ය.
ශ්රී ලංකා කණ්ඩායම තරගය ජය ගත්තේ පන්දුවාර 49යි පන්දු 3ක් තුළ කඩුලු 5ක් දැවී සිටියදී.
ඒ අනුව සිම්බාබ්වේ කණ්ඩායම සමග පැවති එක්දින ක්රිකට් තරගාවලිය තරග 2ට 0ක් ලෙස ජය ගැනීමට ශ්රී ලංකා කණ්ඩායම සමත් විය.