හෘද පෙනහළු නිවේෂක නිලධාරීන්ගේ අතිකාල දීමනා ඉහළ දැමේ...

COLOMBO (News 1st) - හෘද පෙනහළු නිවේෂක නිලධාරීන්ගේ අතිකාල දීමනා ඉහළ නංවා තිබේ.

ඒ, සෞඛ්‍ය අමාත්‍යංශ ලේකම් වෛද්‍ය අනිල් ජාසිංහ මහතාගේ අත්සනින් නිකුත් කළ චක්‍රලේඛයකිනි.

ඒ අනුව පළමු ශ්‍රේණියේ හෘද පෙනහළු නිවේෂක නිලධාරීන්ට පැයකට ලබාදුන් අතිකාල දීමනාව රුපියල් 456 ක් දක්වා ඉහළ නංවා ඇත.

එය, වැඩිකර ඇත්තේ, රුපියල් 151.

දෙවැනි ශ්‍රේණියේ නිලධාරීන්ට පැයකට ලබාදෙන අතිකාල දීමනාව රුපියල් 65 කින් ඉහළ දමා තිබේ.

ඒ අනුව ඔවුන්ට පැයකට ලබාදෙන මුදල, රුපියල් 320 ක්.

වැඩිකළ දීමනා, පසුගිය අප්‍රේල් පළමු වැනිදා සිට ක්‍රියාත්මකයි.

සංශෝධිත හිඟ වැටුප්, සැප්තැම්බර් මස වැටුපට එක් කරන බව, සෞඛ්‍ය අමාත්‍යාංශය පැවසුවේය.