මෝදර මහල් නිවාස සංකීර්ණයේ අනතුරෙන් බරපතල තුවාල ලැබූ 7 හැවිරිදි දරුවා ජීවිතක්ෂයට.

COLOMBO(News1st) - මෝදර ‘හෙළමුතු සෙවන’ මහල් නිවාස සංකීර්ණයේ 7 වැනි මහලෙන් සිමෙන්ති බදාම කොටසක් කඩා වැටීමෙන් බරපතළ තුවාල ලබා සිටි 7 හැවිරිදි දරුවා මියගොස් තිබේ.

ඒ, කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටියදීයි. 
 
දරුවා සිය මිත්තණිය සමඟ නිවාස සංකීර්ණය ආසන්නයේ වෙළෙඳසැලක් අසල සිටියදී, බදාම කොටස් කඩා වැටීමෙන් මෙම අනතුර සිදුව තිබිණි. 
 

සිද්ධිය සම්බන්ධයෙන් වැඩිදුර පොලිස් විමර්ශන ක්‍රියාත්මකයි.