පුද්ගලයින් 6 දෙනෙකුට ජීවිත අහිමි කළ මීගොඩ කැබ් අනතුරේ, රථයේ හිමිකරුට විදෙස් ගමන් තහනමක්...

COLOMBO (News 1st) - මීගොඩ මං සන්ධියේදී දන්සලක පෝලිමක සිටි පිරිසක් අනතුරට ලක් කිරීමේ සිදුවීම සම්බන්ධයෙන් අදාළ කැබ් රථයේ හිමිකරුට හෝමාගම මහේස්ත්‍රාත් අධිකරණය අද (02) විදෙස් තහනමක් පැනවූයේය.

ඒ සිද්ධිය සම්බන්ධයෙන් මීගොඩ පොලිසිය හෝමාගම මහේස්ත්‍රාත් අධිකරණය වෙත කරුණු වාර්තා කිරීමෙන් පසුවයි.

රිය අනතුර සිදු අවස්ථාවේ කැබ් රථයේ සිට පළා ගිය රථයේ හිමිකරු ඇතුළු පුද්ගලයන් දෙදෙනෙකු අත්අඩංගුවට ගැනීම සඳහා මේ වන විට පොලිස් කණ්ඩායම් 03ක් විමර්ශන ආරම්භ කර ඇති බව පොලිසිය අධිකරණයට දැනුම් දුන්නේය.

පසුගිය ඉරිදා (31) රාත්‍රියේ මීගොඩ දන්සැලක පොලිමක සිටි පිරිසක් වෙතට එම කැබ් රථය ධාවනය කිරීමෙන් පුද්ගලයින් 06 කු මියගොස් තවත් 07 කු තුවාල ලැබූහ.