දෛනිකව වාර්තාවන ඩෙංගු රෝගීන් සංඛ්‍යාව ඉහළට - ජාතික ඩෙංගු මර්දන ඒකකය

COLOMBO (News 1st) - දෛනිකව වාර්තාවන ඩෙංගු රෝගීන් සංඛ්‍යාව 300 ත් 400 ත් දක්වා ඉහළ  ගොස් ඇති බව ජාතික ඩෙංගු මර්දන ඒකකය පවසයි.

එහි අධ්‍යක්ෂ විශේෂඥ වෛද්‍ය, නලින් ආරියරත්න මහතා පැවසුවේ ඉදිරියේදී මෙම තත්ත්වය තවත් ඉහළ  යා හැකි බවයි.

වසංගත තත්ත්වය බරපතළ තත්ත්වයක් දක්වා වර්ධනය වීම වැළැක්වීමට ක්‍රියා කළ  යුතුව ඇති බවද? විශේෂඥ වෛද්‍ය නලින් ආරියරත්න මහතා පැවසුවේ ය.

මේ අතර කොළඹ රිජ්වේ ආර්යා ළමා රෝහලට ඇතුළත් වන ඩෙංගු රෝගය වැළඳුණු  දරුවන් සංඛ්‍යාව තවදුරටත් ඉහළ යමින් පවතී;

රිජ්වේ ආර්යා ළමා රෝහලේ ළමා රෝග විශේෂඥ වෛද්‍ය, දීපාල් පෙරේරා මහතා පැවසුවේ මේ වනවිට ‌ඩෙංගු රෝගී දරුවන් 43 දෙනෙකු නේවාසිකව ප්‍රතිකාර ලබන බවයි.

සිකුරාදා දිනය සියලුම රාජ්‍ය හා පෞද්ගලික ආයතනවල මදුරුවන් බෝ වන ස්ථාන පිරිසිදු කිරීමේ දිනයක් ලෙස නම් කිරීමට මේ වන විට තීරණය කර තිබේ.

ජාතික ඩෙංගු මර්දන ඒකකයේ ප්‍රජා වෛද්‍ය ඉන්දික විරසිංහ මහතා සඳහන් කළේ, ඩෙංගු ව්‍යාප්තිය සැලකිල්ලට ගනිමින් එම තීරණය ගත් බවයි.