ඉන්දීය විදේශ ඇමති ආචාර්ය එස්.ජයශංකර් දිවයිනට

COLOMBO(News 1st )-ඉන්දීය විදේශ කටයුතු අමාත්‍ය ආචාර්ය එස්.ජයශංකර් මහතා එක්දින නිල සංචාරයක් සඳහා අද(04) පෙරවරුවේ දිවයිනට පැමිණියේ ය.

කටුනායක ගුවන් තොටුපොළේදී ඔහු පිළිගනු ලැබුවේ, මෙරට ඉන්දීය මහ කොමසාරිස්වරයා හා විදේශ කටයුතු අමාත්‍යාංශයේ නිලධාරීන් පිරිසක් විසිනි.

ඉන්දීය විදේශ අමාත්‍යවරයා සමග 08 දෙනෙකුගෙන් යුත් දූත පිරිසක් ද දිවයිනට පැමිණියේ ය.

විදේශ කටයුතු අමාත්‍යාංශය පැවසුවේ, ඔහු එම සංචාරයේදි ජනාධිපති අනුර කුමාර දිසානායක මහතා සහ අග්‍රාමාත්‍ය හරිනි අමරසූරිය මහත්මිය හමුවීමට නියමිත බවයි.

මීට අමතරව ඔහු විදේශ කටයුතු අමාත්‍ය විජිත හේරත් මහතා ද හමුවීමට සැලසුම් කර තිබේ.