කන්තලේ සීනි සමාගමට අයත් ඉඩම්වලින් අක්කර 11,000ක් ගොවීන්ට නිදහස් කරන්නැයි ජනපතිගෙන් උපදෙස්..

COLOMBO (News1st - කන්තලේ සීනි සමාගමට අයත් ඉඩම්වලින් අක්කර 11,000 ක්, කෙටි කාලීන බෝග වගාව සඳහා, ගොවීන්ට ලබා දෙන්නැයි ජනාධිපති අනුර කුමාර දිසානායක මහතා, නිලධාරීන්ට උපදෙස් දී තිබේ.

ජනාධිපතිවරයා මෙම උපදෙස් ලබා දී ඇත්තේ අද (10) පස්වරුවේ කෘෂිකර්ම, ඉඩම්, පශු සම්පත්, වාරිමාර්ග, ධීවර සහ ජලජ සම්පත් අමාත්‍යංශයේ නිලධාරීන් හමුවූ අවස්ථාවේදීයි.

ඒ අනුව, අක්කර 5 ට නොවැඩි ඉඩම්, එලෙස ලබාදීමට විධිමත් වැඩපිළිවෙළක් සකස් කරන්නැයි ජනාධිපතිවරයා උපදෙස් දී ඇත.

විෂය භාර අමාත්‍යවරයා ලෙස අදාළ අමාත්‍යාංශවල ක්‍රියාකාරිත්වය සහ ප්‍රගතිය විමසූ ජනාධිපතිවරයා ඉදිරි සැලසුම් පිළිබඳව ද මෙහිදී සාකච්ඡා කළ බව ජනාධිපති මාධ්‍ය අංශය පැවසුවේය.