උතුරු මැද භූගෝල විද්‍යා ප්‍රශ්න පත්‍රයේ පිළිතුරු පිටවීම සම්බන්ධයෙන් විමර්ශන..

COLOMBO (News 1st) -උතුරු මැද පළාතේ 6 වැනි ශ්‍රේණිය තුන්වන වාර පරීක්ෂණයේ භූගෝල විද්‍යා ප්‍රශ්න පත්‍රයට අදාළ පිළිතුරු පත්‍රය පිටවීම සම්බන්ධයෙන් පරීක්ෂණයක් ආරම්භ කර තිබේ.

ඒ උතුරු මැද පළාත් අධ්‍යාපන ලේකම් සිරිමෙවන් ධර්මසේන මහතාගේ උපදෙස් මතයි.

ඔහු සඳහන් කළේ මේ වනවිට එම ප්‍රශ්න පත්‍රය අවලංගු කර නැවත ප්‍රශ්න පත්‍රයක් සැකසීමට කටයුතු කරන බවයි.

ඒ අනුව එම පිළිතුරු පත්‍රය සමාජ මාධ්‍ය හරහා පිට කළ ගුරුවරිය සම්බන්ධයෙන් ඉදිරි පියවර ගැනීමට ද කටයුතු කරන බව උතුරු මැද පළාත්  අධ්‍යාපන ලේකම් සිරිමෙවන් ධර්මසේන මහතා පැවසුවේ ය.