සහන මිලට ආහාර පැකේජයක් ලබාදීමට රජය ගත් තීරණය මැතිවරණය අවසන් වන තෙක් අත්හිටුවන්න - මැතිවරණ කොමිෂන් සභාව

COLOMBO (News1st) - සිංහල හා දෙමළ අලුත් අවරුද්ද වෙනුවෙන් සහන මිලට ආහාර පැකේජයක් ලබා දීමට රජය ගත් තීරණය තාවකාලිකව අත්හිටුවන ලෙස මැතිවරණ කොමිෂන් සභාව දැනුම් දී තිබේ.

මැතිවරණ  කොමිසම පැවසුවේ  පළාත් පාලන ඡන්ද විමසීම අවසන් වෙන තෙක් එය අත්හිටුවන ලෙස  ජනාධිපති ලේකම්වරයා වෙත සහ වෙළඳ , වාණිජ ආහාර සුරක්ෂිතතා සහ සමූපකාර සජවර්ධන අමාත්‍යංශ ලේකම්වරයාට දැනුම් දුන් බවයි.

ඊට කරුණු දක්වමින් පිළිතුරු ලිපියක් ද ජනාධිපති ලේකම්වරයා විසින් මැතිවරණ කොමිසමට එවා තිබේ.

කෙසේ නමුත් ඡන්ද විමසීම අවසන් වන තෙක් ආහාර පැකේජය ලබා දීම අත්හිටුවන ලෙස යළි දැනුවත් කරන බවද මැතිවරණ කොමිසම සඳහන් කළේ ය.

අයවැය යෝජනා අනුව රුපියල් 5,000ක් වටිනා අත්‍යාවශ්‍ය ආහාර ද්‍රව්‍ය ඇතුළත් ආහාර පැකේජය රුපියල් 2,500ක මිලකට ලබා දීමට රජය තීරණ කර තිබුණි.