බූස්ස බන්ධනාගාරයේ මිය ගිය රැඳවියාගේ මළ සිරුර පිළිබඳ පශ්චාත් මරණ පරීක්ෂණය අද..

COLOMBO (News1st) -

ඒ , ගාල්ල, කරාපිටිය රෝහලේදී යි.

සිද්ධිය සම්බන්ධයෙන් රත්ගම පොලිසිය ද විමර්ශන ආර්ම්භ කර තිබේ.

බන්ධනාගාර මාධ්‍ය ප්‍රකාශක ගාමිණි බී දිසානායක මහතා සඳහන් කළේ, ඊයේ  අළුයම එම රැඳවියා සිර මැදිරිය තුළ තුවාල ලබා වැටී සිටියදී සොයාගත් බවයි.

අනතුරුව, ඔහු බන්ධනාගාර රෝහලට ඇතුළත් කිරිමෙන් පසු, මියගොස් තිබේ.

46 හැවිරිදි ඔහු රක්ෂිත බන්ධනාගාරගත කර ඇත්තේ, හෙරොයින් ළඟ තබා ගැනීමේ සිද්ධියක් සම්බන්ධයෙන් ය.

සිද්ධිය සම්බන්ධයෙන් සිරමැදිරියේ  සිටි සෙසු රැඳවියන්ගෙන් මේ වන විට ප්‍රකාශ සටහන් කරගනිමින් ඇතැයි බන්ධනාගාර මාධ්‍ය ප්‍රකාශකවරයා පැවසුවේ ය.