කිසිදු ශතකයක් නොමැතිව එංගලන්තයෙන් ලකුණු 400ක්

COLOMBO (News1st)-එක්දින ක්‍රිකට් තරග ඉතිහාසයේ පළමු වරට කිසිදු පිතිකරුවෙක් ශතකයක් වාර්තා නොකර ඉනිමක් තුළ ලකුණු 400ක් ලබා ගත් ලොව පළමු කණ්ඩායම බවට එංගලන්තය පත්වෙයි.

ඒ, බටහිර ඉන්දීය කොදෙව් කණ්ඩායමට එරෙහිව බර්මින්හැම්හිදී දැන් පැවැත්වෙන පළමු එක්දින තරග⁣යේදීය.

ඒ අනුව තරගයේ පළමුවෙන් පන්දුවට පහර දුන් එංගලන්තය නියමිත පන්දුවාර 50 අවසානයේදී කඩුලු 8ක් දැවී ලකුණු 400ක් ලබා ගත්තේ ලෝක ක්‍රිකට් ප්‍රජාවගේ අවධානය යළිත් වරක් තමන් වෙත නතු කර ගනිමින් වීම විශේෂත්වයකි.

තරගය ජයග්‍රහණය සඳහා කොදෙව්වන්ට පන්දුවාර 50 තුළ ලකුණු 401ක දැවැන්ත ඉලක්කයක් හිමිව ති⁣බේ.