අදත් මුහුදුබඩ මාර්ගයේ දුම්රිය ප්‍රමාදයක්

COLOMBO (News 1st) - මුහුදුබඩ මාර්ගයේ දුම්රිය ප්‍රමාදයක් අදත් ඇති විය හැකි බව දුම්රිය දෙපාර්තමේන්තුව පවසයි.

ඒ, කොළඹ කොටුව සහ වැල්ලවත්ත දුම්රිය ස්ථාන අතර පිහිටි සංඥා පද්ධතිය නවීකරණය කිරීම හේතුවෙන් ය.

දුම්රිය දෙපාර්තමේන්තුව පැවසුවේ , එම දුම්රිය ස්ථාන අතර ඉහල සහ පහළ මාර්ගවල දුම්රිය ධාවනය වැඩි කිරිම සඳහා එම සංඥා පද්ධති වැඩිදියුණු කරන බවයි.

ඒ හේතුවෙන් මුහුදුබඩ මාර්ගයේ උදෑසන සහ සවස් කාලයේදී ධාවනය වන දුම්රිය විනාඩි 15 ක පමණ කාලයක් ප්‍රමාද විය හැකි වෙයි..