සෞදි අරාබියෙන් පාකිස්තානයට අමතර ඇමරිකානු ඩොලර් බිලියන 3ක අතිරේක සහනයක්!

COLOMBO(News1st) - සෞදි අරාබිය විසින් පාකිස්ථානය වෙත අලුතින් ඇමරිකානු ඩොලර් බිලියන 3ක තැන්පතුවක් ලබන සතියේ ලැබීමට නියමිත බවත්, කලින් වසරක් පාසා අලුත් කිරීමට (Rollover) සිදුවූ ඩොලර් බිලියන 5ක සෞදි තැන්පතුව දැන් දීර්ඝ කාලීන පදනමක් යටතේ පවතිනු ඇති බවත් පාකිස්ථාන මුදල් අමාත්‍ය මුහම්මද් අවුරන්ග්සෙබ් මහතාගෙන් ප්‍රකාශ කරයි.

නිවේදනයක් නිකුත් කරමින් ඔහු කියා සිටින්නේ මෙම සහාය මගින් පාකිස්තානයේ විදේශ විනිමය සංචිත ශක්තිමත් කිරීමට ඉවහල් වන අතර, මූල්‍ය වර්ෂය අවසන් වන විට ඇ.ඩොලර් බිලියන 18ක සංචිත මට්ටමක් පවත්වා ගැනීම රජයේ ඉලක්කය බව ඔහු වැඩි දුරටත් සදහන් කරයි.

පාකිස්ථානය පසුගිය සතියේදී ඩොලර් බිලියන 1.4ක යුරෝබොන්ඩ් (Eurobond) ණය මුදලක් සාර්ථකව පියවා ඇති අතර, ඉදිරි සියලුම විදේශීය මූල්‍ය වගකීම් නියමිත වේලාවට ගෙවා අවසන් කරන බවද අමාත්‍යවරයා මෙහිදී අවධාරණය කර ඇත.