අදත් ප්‍රදේශ රැසකට තද වැසි

COLOMBO (News 1st) - දිවයිනේ බොහෝ ප්‍රදේශවලට අද (19) මිලිමීටර 50 ට වැඩි තරමක තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

නැ‍ගෙනහිර, ඌව, මධ්‍යම සහ උතුරුමැද පළාත්වලත් හම්බන්තොට දිස්ත්‍රික්කයේත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකිය.

මේ අතර, බදුල්ල දිස්ත්‍රික්කයේ හල්දුම්මුල්ල සහ හපුතලේ ප්‍රදේශ සඳහා නිකුත් කළ නායයෑම් අනතුරු ඇඟවීම තවදුරටත් දීර්ඝ කර තිබේ.

ජාතික ගොඩනැගිලි පර්යේෂණ සංවිධානය නිවේදනය කළේ, අදියර එක යටතේ එම නායයාම් අනතුරු ඇඟවීම් නිකුත් කෙරුණු බවයි.