අප්‍රිකා සහ ශ්‍රී ලංකා දෙවැනි ටෙස්ට් තරගයේ සිව්වැනි දිනය අද, අභියෝගයක් එල්ල කිරීමට ශ්‍රී ලංකාවට හැකි වෙයි ද?

COLOMBO (News 1st) - සත්කාරක දකුණු අප්‍රිකා සහ ශ්‍රී ලංකා කණ්ඩායම් අතර දෙවැනි ටෙස්ට් ක්‍රිකට් තරගය අද (08) සිව්වැනි දිනටත් ශාන්ත ජෝර්ජ් පාක් ක්‍රීඩාංගනයේදී පැවැත්වේ.

පළමුව පන්දුවට පහරදුන් දකුණු අප්‍රිකාව සියලු දෙනා දැවී රැස් කළ ලකුණු සංඛ්‍යාව 358ක්.

ඊට පිළිතුරු ලෙස ශ්‍රී ලංකා කණ්ඩායමට සිය පළමු ඉනිම සඳහා රැස් කිරීමට හැකිවූයේ, ලකුණු 328ක් පමණි.

සිය දෙවැනි ඉනිම ක්‍රීඩා කරන දකුණු අප්‍රිකාව ඊයේ (07) දිනයට තරගය නතර කරන විට පන්දුවාර 55 ක් තුළ කඩුලු 3 ක් දැවී රැස් කරගෙන සිටි ලකුණු සංඛ්‍යාව 191ක්.

නායක ටෙම්බා බවුමා සමගින් ට්‍රිස්ටන් ස්ටබ්ස් නොදැවී කඩුල්ලේ රැදී සිටී.