ගාල්ල - අකුරැස්ස ප්‍රධාන මාර්ගයේදී බස් රථ තුනක් ගැටෙයි.. 29 දෙනෙකුට තුවාල...

COLOMBO (News 1st) - ගාල්ල - අකුරැස්ස ප්‍රධාන මාර්ගයේ අඟුලුගහ හන්දිය ප්‍රදේශයේදී බස් රථ තුනක් ගැටීමෙන් පුද්ගලයින් 29 දෙනෙකු තුවාල ලබා තිබේ.

පොලීසිය සඳහන් කළේ, නතර කර තිබූ බස් රථයක, තවත් බස් රථ දෙකක් ගැටීමෙන් අනතුර සිදුව ඇති බවයි.

තුවාලකරුවන් ඉමදූව සහ කරාපිටිය රෝහල්වලට ඇතුළත් කෙරුණි.

කිසිදු පුද්ගලයෙකුගේ තත්ත්වය බරපතළ නොවන බව, පොලීසිය සඳහන් කළේ ය.

පොලීසිය පැවසුවේ, අනතුර සම්බන්ධයෙන් බස් රථ තුනේ රියැදුරන් අත්අඩංගුවට ගෙන ඇති බවයි.