ගම්මැද්දෙන් තවත් මෙහෙවරක්

COLOMBO (News1st)  - ගම්මැද්ද තවත් ව්‍යාපෘතියකට අද මුල් ගල් තැබෙනවා.

ඒ තවත් දරු පිරිසකට අලුත් බලාපොරොත්තුවක් ඉටු කරමින් වගේම, හෙට ලෝකය දිනන්න වේදිකාවක් නිර්මාණය කර දෙමින්.

අනුරාධපුර දිස්ත්‍රික්කයේ ගල්නෑව අධ්‍යාපන කලාපයට අයත් කත්තරගම ප්‍රාථමික විද්‍යාලයේ දරුවන් 275 දෙනෙක් පමණ අකුරු කරනවා.

නැටුමට ගැයුමට එම දරුවන් දක්ෂ වුවද ඒ දක්ෂතා පෙන්වන්න,හරි වේදිකාවක් නැහැ.

ඔවුන් සෞන්දර්ය අධ්‍යාපනයේ ප්‍රායෝගික අත්දැකීම් බෙදා ගත්තේ ගස්යට.

එම ගැටළුවට හඳුනාගත්ත ගම්මැද්ද අද  කත්තරගම විද්‍යාලයට එළිමහන් රංගපීඨයක් ලබා දෙන්න මුල්ගල තියනවා.

ව්‍යාපෘතියට අනුග්‍රහකත්වය ලබා දෙන්නේ  කොළඹ 05 පදිංචි සයිමන් සේනාරත්න මහතා සහ මහත්මියයි.

සිරස වසන්ත උදානයට සමගාමීව මේ වැඩකටයුතු ආරම්භ කිරීමත් විශේෂත්වයකි.