හොරණදී යතුරු පැදියක් අනතුරට ලක්වීමෙන් අඹු සැමි යුවලක් මරුට

COLOMBO (News 1st) - හොරණ - මහරගම මාර්ගයේ කනන්විල ප්‍රදේශයේ සිදුවූ රිය අනතුරකින් අඹු - සැමි යුවලක් මියගොස් තිබේ.

පොලීසිය සදහන් කළේ, යතුරු පැදියක් පාලනය කරගැනීමට නොහැකිව පෙරළී ගොස්, ලොරියක ගැටීමෙන් අනතුර සිදුව ඇති බවයි.

අනතුරින් බරපතල තුවාල ලැබූ යතුරු පැදියේ ගමන් කළ අඹු - සැමි යුවල රෝහල් ගතකිරීමෙන් පසු මියගොස් තිබේ.

ඔවුන්, අවුරුදු 21 සහ 24 යන වයස්වල පසුවන කිරිවත්තුඩුව ප්‍රදේශයේ පදිංචිකරුවන් ය.