ගණේමුල්ල සංජීව ඝාතනයට ආධාර අනුබල දුන්, නීතීඥවරිය තවත් අපරාධකරුවන් වෙනුවෙන් පෙනි සිට ඇති බවට තොරතුරු.

COLOMBO (News 1st) - ගණේමුල්ල සංජීව ඝාතනයට ආධාර අනුබල දීම සම්බන්ධයෙන් අත්අඩංගුවට ගත් නීතීඥවරිය තවත් අපරාධකරුවන්ගේ නීතිමය කටයුතුවලට පෙනි සිට ඇති බවට තොරතුරු ලැබී ඇතැයි පොලීසිය පවසයි.

සැකකාර නිතිඥවරිය සම්බන්ධයෙන් කළ විමර්ශනවලදි අනාවරණයවී ඇත්තේ නදුන් චින්තක නොහොත් හරක් කටාගේ මැඩගස්කරයේදී අත්අඩංගුවට ගත් අවස්ථාවේ නීතීමය කටයුතු වෙනුවෙන් ඇය පෙනී සිට ඇති බවයි.  

දේශසීමා උල්ලංඝනය කිරිමේ වරදකට සම්බන්ධ අපරාධකරුවෙකු ඉන්දියාවේදී අත්අඩංගුවට ගත් අවස්ථාවේදි ද ඔහු වෙනුවෙන් ඇය පෙනි සිට ඇතැයි තොරතුරු වාර්තා වේ.

සැකකාර නීතිඥවරිය තවත් අපරාධ කරුවන් වෙනුවෙන් පෙනි සිට ඇත්දැයි සොයා බැලීම සඳහා විමර්ශන ක්‍රියාත්මකයි.

කඩවත ප්‍රදේශයෙදී පෙරේදා(28) අත්අඩංගුවට ගත් නීතිඥවරියගෙන් පැය 72ක රැඳවුම් නියෝග මත ප්‍රශ්න කරමින් සිටියි.

ගණේමුල්ල සංජීව ඝාතනය කළ වෙඩිකකරුට අධිකරණ සංකීර්ණයට ඇතුළු වීම සඳහා නීතීඥවරුන් පළඳින ටයි පටි දෙකක් ලබාදීම,

රිවෝල්වරය රහසිගතව සැඟවීමට අපරාධ නඩු විධාන සංග්‍රහය ඇතුළු අණ පනත්  සහිත පොත් දෙකක් ලබාදීම,

නීතිඥවරුන්ගේ වාහනවල ප්‍රදර්ශනය කරන අවසර පත්‍රයක් ලබා දීම හා නීතිඥවරුන්ගේ හැඳුනුම්පතක් ලබාදීම සම්බන්ධයෙන් මෙම නීතීඥවරිය අත්අඩංගුවට ගනු ලැබී ය.