අඹතලේ වේල්ල පිටාර ගලයි..

COLOMBO (News 1st) - කැළණි ගඟේ ජල මට්ටම ඉහළ යාමත් සමග අඹතලේ ගංවතුර පාලන වේල්ලෙන් ජලය පිටාර ගැලීම ආරම්භ වී තිබේ.

ඒ හේතුවෙන්, වේල්ලේ අවට සහ මාළඹේ - කඩුවෙල ප්‍රධාන මාර්ගය අතර සහ ඉන් ඉහළ පිහිටි පහත්බිම මේ වනවිට ජලයෙන් යටවෙමින් පවතී.

තවද, ජනතාව ආරක්ෂිත පියවර අනුගමනය කරන්නැයි කොළඹ දිස්ත්‍රික් ලේකම් ප්‍රසන්න ගිනිගේ ජනතාවට දැනුම් දෙනු ලබයි.

එමෙන්ම, මාළඹේ ආදර්ශ පිරිමි විද්‍යාලයට සහ පිට්ටුගල යශෝදරා මහා විද්‍යාලයට පැමිණෙන ලෙසයි කොළඹ දිස්ත්‍රික් ලේකම් ප්‍රසන්න ගිනිගේ වැඩිදුරටත් සඳහන් කළේ ය.