සයිලන්සර් 16ක් තුළ සඟවා, කෝටි 25ක 'කුෂ්' ගෙනා පුද්ගලයෙකු රේගු භාරයට...

COLOMBO (News1st) - රුපියල් විසි පන් කෝටි පනස් ලක්ෂයක් වටිනා " කුෂ්" මත්ද්‍රව්‍ය තොගයක් මෙරටට රැගෙන ආ සැකකරුවෙකු රේගු භාරයට ගෙන තිබේ.

එලෙස අත්අඩංගුවට ගෙන ඇත්තේ 38 හැවිරිදි රාගම ප්‍රදේශයේ පදිංචිකරුවෙකි.

ඔහු විසින් රැගෙන ආ ගමන් මලු 04 ක් තුළ තිබූ , සයිලන්සර් 16 ක් තුළ , මෙම " කුෂ්" මත්ද්‍රව්‍ය තොගය සූක්ෂමව ඇසුරා තිබියදී සොයා ගැණින.

එහි බර කිලෝ ග්‍රෑම් 25 ග්‍රෑම් 500 ක් .

තායිලන්තයේ බැංකොක් නුවර සිට පැමිණි ශ්‍රී ලන්කන් ගුවන් සේවයට අයත් යානයකින් ඔහු මෙරටට පැමිණ ඇති බව රේගුව ප්‍රකාශ කළේ ය.