2026 නොබෙල් සාම ත්‍යාගයේ නාමයෝජනා අතරට ට්‍රම්ප්ගේ නමත් එක්වීමට ඉඩකඩ තියෙනවා - නොබෙල් කමිටුවේ ලේකම්

COLOMBO (News1st) - 2026 නොබෙල් සාම ත්‍යාගය සඳහා අපේක්ෂකයින් 287 දෙනෙකු පමණ සලකා බලන බව නොබෙල් කමිටුවේ ලේකම්වරයා සඳහන් කළ බව රොයිටර් පුවත් සේවය පවසයි.

ලේකම්වරයා එහිදී පවසා ඇත්තේ, ඇමරිකා ජනාධිපති ඩොනල්ඩ් ට්‍රම්ප් ද නාමයෝජනා ලැබූවන් අතරට එක්වීමට ඉඩ තිබෙන බවයි.

මෙම වසරේ නාමයෝජනා වලින් 208 ක් පුද්ගලයින් වන අතර 79ක් සංවිධාන බව පවසන් ලේකම්වරයා වැඩිදුරටත් සඳහන් කළේ, පසුගිය වසරට සාපේක්ෂව නව නාමයෝජනා රාශියක් ඇති බවයි.