භාණ්ඩාගාරයේ Email පද්ධතිය 2019 සිට යල් පැන ගිහින් මුදල් කාරක සභාවේදී හෙළිවෙයි!

COLOMBO (News 1st) - මහා භාණ්ඩාගාරයේ පැවති Email පද්ධතිය 2019 වසරේ සිට යල් පැන ගොස් ඇතැයි, රාජ්‍ය මුදල් කාරක සභාව හමුවේ අනාවරණය විය.

ඒ, මහා භාණ්ඩාගාරයෙන් ඩොලර් මිලියන 2.5 ක මුදලක් සයිබර් අපරාධකරුවන් සොරා ගැනීමේ සිද්ධියට අදාළව රාජ්‍ය මුදල් කාරක සභාව, නිලධාරීන්ගෙන් කළ ප්‍රශ්න කිරීම්වලදීයි.

පසුගිය කාලයේ අවස්ථා කිහිපයකදී, ඒ සම්බන්ධයෙන් සාකච්ඡා කිරීමට රාජ්‍ය මුදල් කාරක සභාව රැස්විය.

රාජ්‍ය මූල්‍ය සම්බන්ධයෙන් සංවේදී තොරතුරු රැසක් එහිදී අනාවරණය වීම හේතුවෙන්, ඒවා මාධ්‍යයට ඉදිරිපත් නොකළේ ය.

රාජ්‍ය මුදල් කාරක සභාවේ සභාපති ආචාර්ය හර්ෂ ද සිල්වා විමර්ශනයේ අවසන් වාර්තාව, ඊයේ (11) පාර්ලිමේන්තුවට ඉදිරිපත් කිරීමට කටයුතු කළේ ය.