පොළොන්නරුවේ ඉඩමක පුරා වස්තු සොයමින් සිටි සිව් දෙනෙක් අත්අඩංගුවට

COLOMBO (News 1st) - පොළොන්නරුව නව නගරයේ ඉඩමක පුරා වස්තු කැණීම් කරමින් සිටි සැකකරුවන් සිව් දෙනෙකු අත්අඩංගුවට ගෙන තිබේ.

ඒ, පොළොන්නරුව කොට්ඨාස අපරාධ විමර්ශන කාර්යංශයේ නිලධාරීන් විසිනි.

ඔවුන් අවුරුදු 33 ත් 69 ත් අතර වයස් වල පසුවන පොළොන්නරුව ප්‍රදේශයේම පදිංචිකරුවන් වේ.

පොලීසිය සඳහන් කළේ, සිද්ධිය සම්බන්ධයෙන් වැඩිදුර විමර්ශන ක්‍රියාත්මක බවයි.