ගම්පොළදී පාසල් දැරියක් පැහැර ගැනේ..

COLOMBO (News 1st) - ගම්පොළ, දවුලගල ප්‍රදේශයේදී පාසල් දැරියක් පැහැර ගැනීමට ලක්ව තිබේ.

පොලීසිය පැවසුවේ, පැහැර ගැනීමට ලක්වූ දැරිය සොයාගැනීමට සහ සැකකරු අත්අඩංගුවට ගැනීමට විමර්ශන කණ්ඩායම් 3ක් ක්‍රියාත්මක බවයි.

සැකකරු පැහැර ගැනීමට ලක්වූ දැරියගේ පවුලේ ඥාති සහෝදරයෙක් බව සඳහන් ය.

දැරිය පැහැර ගැනීම සඳහා යොදාගත් බව කියන වෑන් රථය පොළොන්නරුව ප්‍රදේශයේ දමා ගොස් තිබියදී පොලීසිය සොයා ගෙන  තිබේ.

පොලීසිය පැවසුවේ, වෑන් රථයේ රියැදුරා ගම්පොල ප්‍රදේශයේදී අත්අඩංගුවට ගැනීමට හැකි වූ බවයි.