පළාත් මට්ටමින් අපරාධ විමර්ශන කොට්ඨාස පිහිටුවනවා - මහජන ආරක්ෂක ඇමති

COLOMBO (News 1st) -පළාත් මට්ටමින් අපරාධ විමර්ශන කොට්ඨාස පිහිටුවීමට කටයුතු කරන බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පවසයි.

අමාත්‍යවරයා පැවසුවේ, දැනට තිබෙන පොලිස්ථානවලට අමතරව එම කොට්ඨාස පිහිටුවීමට අවදානය යොමුවී ඇති බවයි.

දැනටමත් දකණු පළාතේ එවැනි ඒකක ක්‍රියාත්මක බවද අමාත්‍යවරයා පැවසුවේ ය.

අමාත්‍ය ආනන්ද විජේපාල මහතා පැවසුවේ විමර්ශන විධිමත් කිරීම එහි අරමුණ බවයි.

ඇතැම් විමර්ශන සෘජුවම පොලිස්පතිවරයාගේ අධීක්ෂණය යටතේ ක්‍රියාත්මක වනු ඇතැයිද අමාත්‍යවරයා සඳහන් කළේ ය.