නිදහස් දින ආරක්ෂාවට පොලීසියෙන් 1650ක්..

COLOMBO ( News 1st ) -

පොලිසිය සඳහන් කළේ , රථවාහන ගමනාගමනයට හා මගී ජනතාවට බාධා නොවන අයුරින් පෙරහුරුව සහ ප්‍රධාන උත්සවය පැවැත්වීමට විශේෂ රථවාහන සැලැස්මක් ද ක්‍රියාත්මක බවයි.

ඒ අනුව නිදහස් දින සැමරුම් පෙරහුරුව වෙනුවෙන් අද දිනයෙත් කොළඹ නිදහස් චත්‍රරස්‍රය ආශ්‍රිතව විශේෂ රථවාහන සැලැස්මක් ක්‍රියාත්මක වෙයි.

උදෑසන 6.00 සිට දහවල් 12.00 දක්වා එම රථ වාහන සැලැස්ම ක්‍රියාත්මකයි.

එම කාලය තුළ විකල්ප මාර්ග භාවිත කරන්නැයි පොලීසිය ජනතාවට දැනුම් දෙයි.

77 වැනි ජාතික නිදහස් දින සැමරුම ලබන 4 වැනිදා, ජනාධිපතිතුමාගේ ප්‍රධානත්වයෙන් කොළඹ නිදහස් චතුරශ්‍රයේදී පැවැත්වීමට නියමිතයි.

මෙවර නිදහස් සැමරු උළෙලේදී ජනාධිපති උත්තමාචාර වෙඩි මුර පිරිනැමෙන්නේ නැහැ.