සිරියාව පුරා හදිසි විදුලිය බිඳ වැටීමක්...

COLOMBO ( News 1st ) -  සිරියාව පුරා හදිසි විදුලිය බිඳ වැටීමක් සිදුව තිබේ.

එරට බලශක්ති අමාත්‍යාංශය සඳහන් කළේ, ජාතික විදුලිබල පද්ධතියේ ස්ථාන කිහිපයක ඇතිවූ දෝෂ ඊට හේතුවී ඇති බවයි.

පද්ධතියට එල්ල වූ ප්‍රහාරයක් විදුලිය බිඳ වැටීමට හේතුවී ඇතැයි පලවන වාර්තා සිරියානු බලධාරීන් ප්‍රතික්ෂේප කළේ ය.

සිරියාව මේ වනවිට ඉන්ධන අර්බුධයකටද මුහුණ දෙමින් සිටී.

මීට පෙර විදුලිය උත්පාදනය කිරීම සදහා අවශ්‍ය ඉන්ධන සිරියාවට ලබා දුන්නේ ඉරානය විසිනි.

කෙසේ නමුත් පසුගිය නොවැම්බර් මාසයේදී බෂාර් අල් අසාද් ජනපති ධුරයෙන් නෙරපා හැර කැරළිකරුවන් එරට බලය අල්ලා ගත්තේ ය.

ඒ අනුව හිටපු ජනාධිපතිවරයාගේ මිත්‍ර රටක් වූ ඉරානය නව කැරළිකාර පාලනය බලයට පත්වූ පසු ඉන්ධන සැපයුම් නවතා දැමුවාය.