ගාසා තීරයේ යුද්ධය අවසන් කිරීම සඳහා යළි සාකච්ඡා ආරම්භ කිරීමට ඊශ්‍රායලය සැරසෙයි.

COLOMBO (News 1st) - ගාසා තීරයේ යුද්ධය අවසන් කිරීම සදහා යළි සාකච්ඡා ආරම්භ කරන බව ඊශ්‍රායල අගමැති බෙන්ජමින් නෙතන්යාහු පවසයි.

ඒ ගාසා තීරයේ රඳවා සිටින සියලුම ඊශ්‍රායල ප්‍රාණ ඇපකරුවන් නිදහස් කිරීමේ අරමුණ ඇතිවයි.

නමුත් ඊශ්‍රායලයට පිළිගත හැකි කොන්දේසි මත මෙම සටන් විරාමය ක්‍රියාත්මක වනු ඇති බවත් අග්‍රාමාත්‍යවරයා පැවසයි.

පසුගියදා ඊජිප්තුව සහ කටාර් රාජ්‍ය විසින් සටන් විරාම ගිවිසුමක් ඉදිරිපත් කළ අතර ඊට හමාස් සංවිධානය එකඟ විය.

කෙසේ වෙතත් ගාසා තීරය අත්පත් කර ගැනීමේ පළමු අදියර ඊශ්‍රායලය ඊයේ(21) ආරම්භ කළේ ය.

විදෙස් මාධ්‍ය වාර්තා කළේ, ඒ හේතුවෙන් පලස්තීනුවන් දහස් ගණනක් සිය නිවාස හැර ගොස් ඇති බවයි.

ඊශ්‍රායල ප්‍රහාර හේතුවෙන් පසුගිය පැය 24 තුළ පුද්ගලයින් 70 දෙනෙකු මිය ගොස් ඇති බව ගාසා සෞඛ්‍ය අමාත්‍යාංශය පවසයි.