කොළඹ-නුවර ප්‍රධාන මාර්ගයේ ගමනාගමනය අවහිරතාවයක්

COLOMBO(News1st) - දිවයින පුරා පවතින අයහපත් කාලගුණික තත්ත්වය හේතුවෙන් යක්කල පොලිස් වසමේ කොළඹ නුවර ප්‍රධාන මාර්ගයේ යක්කල ආයුර්වේදය අසල පාලමේ මැද කොටස ගිලා බසිමින් පවතින බවට නිරීක්ෂණය වී තිබේ.

එබැවින් 2025.11.30 වන අද දින දහවල් කාලයේ සිට නැවත දැනුම්දෙන තුරු යක්කල හන්දියේ සිට තිහාරිය හන්දිය දක්වා මාර්ගයේ කොටස තාවකාලිකව වසා තැබීමට කටයුතු කර තිබේ.

විකල්ප මාර්ග.

* කොළඹ දෙස සිට නුවර දෙසට ගමන් කරන වාහන යක්කල හන්දියෙන් දකුණට හරවා කිරිඳිවැල මාර්ගයේ ගමන් කර නෙල්ලිගහමුල හන්දියෙන් වමට හරවා වාරණ මාර්ගයේ තිහාරිය හන්දිය දක්වා පැමිණ නුවර දෙසට ගමන් කිරීමට හැකියාව ඇත.

* නුවර දෙස සිට කොළඹ දෙසට ගමන් කරන වාහන තිහාරිය හන්දියෙන් වමට හරවා වාරණ මාර්ගයේ නෙල්ලිගහමුල හන්දිය දක්වා ගමන් කර දකුණට හැරී කිරිඳිවැල මාර්‌ගයේ යක්කල හන්දිය දක්වා පැමිණ කොළඹ දෙසට ගමන් කිරීමට හැකියාව ඇත.