ධීවරයින් සඳහා විශ්‍රාම වැටුප් යෝජනා ක්‍රමයක් හඳුන්වා දීමට පියවර..

COLOMBO (News 1st) - ධීවරයින් සඳහා ඉහළ විශ්‍රාම වැටුප් ප්‍රතිලාභ සහිත විශ්‍රාම වැටුප් යෝජනා ක්‍රමයක් හඳුන්වා දීමට පියවර ගෙන තිබේ.

ඒ, ධීවර හා ජලජ සම්පත් දෙපාර්තමේන්තුව සහ කෘෂිකාර්මික හා ගොවිජන රක්ෂණ මණ්ඩලය ඒකාබද්ධවයි.

කෘෂිකාර්මික හා ගොවිජන රක්ෂණ මණ්ඩලයේ සභාපති ප්‍රේමසිරි ජාසිංහ ආරච්චි පැවසුවේ , ධීවර කාර්මිකයාගේ අභිමතය පරිදි  විශ්‍රාම වැටුප් යෝජනා ක්‍රමය හදුන්වාදී ඇති බවයි.

ඒ අනුව එම මුදල් වයස අවුරුදු 60 න් පසුව මාසයකට රුපියල් 5000 සිට තම අභිමතය පරිදි මාසිකව ලබාගත හැකි විශ්‍රාම වැටුප් යෝජනා ක්‍රමයකට දායකවීමට ධීවරයින්ට හැකියාව පවතියි.