යුද හමුදා නියෝජ්‍ය මාණ්ඩලික ප්‍රධානි ධුරයට මේජර් ජෙනරාල් චන්දන වික්‍රමසිංහ පත් කෙරේ ..

COLOMBO (News 1st) -

යුද හමුදා මාධ්‍ය ඒකකය පැවසුවේ, ඔහු යුද හමුදා මූලස්ථානයේදී සිය ධූරයේ රාජකාරි ආරම්භ කළ බවයි.

මේජර් ජෙනරල් චන්දන වික්‍රමසිංහ මහතා යුද හමුදාවේ 45 වන නියෝජ්‍ය මාණ්ඩලික ප්‍රධානියා වන අතර, ඔහු ගජබා රෙජිමේන්තුවට අනියුක්තව සේවය කළ කීර්තිමත් හමුදා නිලධාරියෙකි .

ශ්‍රී ලංකා යුද හමුදාවේ තෙවන ජ්‍යෙෂ්ඨතම තනතුර වන්නේ නියෝජ්‍ය මාණ්ඩලික ප්‍රධාන ධූරයයි.

මාතලේ ප්‍රදේශයේදී උපත ලද මේජර් ජෙනරල් චන්දන වික්‍රමසිංහ  මහතා මාතලේ විජය විද්‍යාලයේ සහ මහනුවර ධර්මරාජ විද්‍යාලයේ කීර්තිමත් ආදි ශිෂ්‍යයෙකු වන අතර ඔහු 1989 දී කෙඩෙට් නිලධාරියෙකු ලෙස යුද හමුදාවට එක්විය .