The Voice Sri Lanka - Season 3 , රටම බලා සිටි ඒ සොඳුරු මොහොත සුබ පැතුම් ඉමේෂ් සංදීප..!

by Staff writer 15-06-2025 | 3:36 PM

COLOMBO (News 1st) - කෝච් සුපුන්ගේ කණ්ඩායම නියෝජනය කළ ඉමේෂ් සංදීප, The Voice Sri Lanka Season 3 කිරුළ දිනා ගත්තේ ය.

අතිඋත්කර්ෂවත් අවසන් මහා තරගය, ඊයේ (15) රාත්‍රියේ පැවැත්වුණේ, රත්මලාන ස්ටයින් මැදිරි සංකීර්ණයේදීයී.

‍ලාංකේය ප්‍රේක්ෂකාගාරයට, ජාත්‍යන්තර රියැලිටි අත්දැකීමක් පළමු වරට තිළිණ කළ සිරස TV, The Voice Sri Lanka Season 3 තරගාවලිය සාර්ථකව අවසන් කළේ, රියැලිටි ටීවී කලාවේ ප්‍රමුඛයා බව යළි යළිත් සනාථ කරමිනි.

සෙංකඩගල පුරවරයෙන්, The Voice Sri Lanka තරග බිමට පිවිසි ඉමේෂ් සංදීප්, ඊයේ රාත්‍රියේ ජාත්‍යන්තර වේදිකාව ජය ගත් ලාංකේය ගායන තරුව ලෙස අභිෂේක ලැබීය.

ඒ, කෝච් සුපුන් පෙරේරා, The Voice ජාත්‍යන්තර තරගාවලි ඉතිහාසයේ දෙවරක් ජයග්‍රාහකයෙකු බිහි කළ පළමු පුහුණුකරු බවට පත් කරමිනි.

රටවල් 180 කට අධික සංඛ්‍යාවක සාර්ථකව දියත් වන, The Voice තරගාවලිය තුළදී ඉතිහාසයේ කිසිදු පුහුණුකරුවෙකු එම වාර්තාවට හිමිකම් කියා නොමැති.

The Voice Sri Lanka කිරුළ දිනූ ඉමේෂ් සංදීප් සමග, අවසන් මහා තරගයට එක්ව සිටි තරගකරුවන් සංඛ්‍යාව, 4 ක්.

කෝච් රයිනි චාරුකාගේ කණ්ඩායමෙන්, අයිසැක් ටිමති

කෝච් මිහිඳු ආරියරත්නගේ කණ්ඩායමෙන්, රසිදු මිහිසර

කෝච් හිරුෂි ජයසේනගේ කණ්ඩායමෙන්, ලිසාරා ප්‍රනාන්දු අවසන් තරගයට එක්වූහ.

එහිදී එකිනෙකාට දෙවැනි නොවූ ඔවුන්ගේ ගායන හැකියාව, කාගේත් අවධානයට ලක් විය.

The Voice Sri Lanka Season 3 තරගාවලිය ඊයේ රාත්‍රියේ අති සාර්ථකව නිමාවට පත්වුණේ, දිවයිනේ නන් දෙසින් පැමිණි දක්ෂයින් දහස් ගණනක් අතරින් සුදක්ෂයින් රැසක් ලාංකේය සංගීත කේෂත්‍රයට තිළිණ කරමින්.